روایتی،اسلامی بینکوں کو 11ہزار 179 ارب مارکیٹ آپریشن میں جاری
کراچی(بزنس ڈیسک)اسٹیٹ بینک نے روایتی اور اسلامی بینکوں کو مارکیٹ آپریشن کیلئے فراہم کی گئی فنڈنگ کی رپورٹ جاری کر دی۔
اسٹیٹ بینک کی جانب سے روایتی اور اسلامی بینکوں کو 11 ہزار 179 ارب روپے 7 اور 28 روزہ مارکیٹ آپریشن میں فراہم کیے گئے ہیں ۔ روایتی بینکوں کو 7 روزہ مارکیٹ آپریشن میں 2956 ارب روپے فراہم کیے گئے ہیں،یہ فنڈنگ 13.05 فیصد سالانہ شرحِ سود پر کی گئی ہے ۔روایتی بینکوں کو 28 روزہ مارکیٹ آپریشن میں 7707 ارب روپے فراہم کیے گئے ہیں، انہیں یہ فنڈنگ 13.04 فیصد سالانہ شرحِ سود پر کی گئی ہے ۔اسلامی بینکوں کو 7 دن کے لیے 410 ارب روپے فراہم کیے گئے ہیں، انہیں یہ فنڈنگ 13.09 فیصد سالانہ شرحِ منافع پر کی گئی ہے ۔
روزنامہ دنیا ایپ انسٹال کریں
