عالمی مالیاتی انڈیکس میں پاکستانی کمپنیوں کی کارکردگی میں نمایاں بہتری
کراچی (بزنس رپورٹر) مارگن اسٹین لے کیپیٹل انٹرنیشنل نے انڈیکس رپورٹ کا اجراء کردیا ہے۔
رپورٹ کے مطابق پاکستانی کمپنیوں کی عالمی انڈیکس میں شمولیت اور درجہ بندی ہوئی ہے ۔ ایم ایس سی آئی رپورٹ کے مطابق مالی سال 2025 میں پاکستان کمپنیوں نے ایم ایس سی آئی فرنٹئیر مارکیٹ انڈیکس میں 39.2فیصد کی رفتار سے بہتر کارکردگی دکھائی ہے ۔ دوسری جانب پاکستانی کمپنیوں کا فرنٹئیر مارکیٹ اسٹینڈرڈانڈیکس میں مجموعی شیئر بہتر ہوکر 6فیصد ہوگیا جو کہ بہتری کی علامت ہے ۔ ایک ایس سی آئی ایف ایم اسٹینڈرڈ انڈیکس میں سیرل کمپنی اور ایبٹ لیبارٹریز لمیٹڈ کمپنیوں کو شامل کیا گیاہے ۔ مالیاتی انڈیکس کی رپورٹ کے مطابق اسمال کیپ انڈیکس میں بی ایف بائیو سائنسز لمیٹڈ ، بیافو انڈسٹریز اور پاور سیمنٹ کو شامل کیا گیا ہے اور اسمال کیپ انڈیکس سے عسکری بینک، اٹک ریفائنری لمیٹڈ اور ایئر لنک کمیونی کیشن کو خارج کردیا گیا ہے ۔دوسری جانب ایم ایس سی آئی کے ایف ایم اسٹینڈرڈ انڈیکس میں مجموعی طور پر 23 پاکستانی کمپنیاں شامل ہیں جبکہ ایف ایم اسٹینڈرڈ انڈیکس میں کسی پاکستانی کمپنی کو نہیں نکالا گیا ہے ۔ اسمال کیپ انڈیکس میں 66 پاکستانی کمپنیوں کا حصہ مظبوط کارکردگی سے 17 فیصد ہوگیا ہے۔
