سونے کی قیمت میں معمولی کمی ریکارڈ
کراچی (آئی این پی ) ملکی صرافہ مارکیٹوں میں سونے کی قیمت تاریخ کی بلند ترین سطح پر پہنچنے کے بعد معمولی کمی ریکارڈ ہوئی۔
آل پاکستان جیمز اینڈ جیولرز ایسوسی ایشن کے مطابق سونے کی فی تولہ قیمت 300 روپے کمی کے بعد 3 لاکھ 13 ہزار 700 روپے ہو گئی ہے ۔ایسوسی ایشن کے مطابق 10 گرام سونے کا بھاؤ 257 روپے کم ہو کر 2 لاکھ 68 ہزار 947 روپے ہے ۔جیمز اینڈ جیولرز ایسوسی ایشن کا کہنا ہے کہ عالمی بازار میں سونے کا بھاؤ 4 ڈالر کم ہوکر 2984 ڈالر فی اونس ہے ۔یاد رہے کہ گزشتہ روز پاکستان میں سونے کی قیمت گزشتہ روز 4700 روپے اضافے کے بعد تاریخ کی بلند ترین سطح پر پہنچی تھی جبکہ اس سے ایک روز قبل بھی سونے کی فی تولہ قیمت میں 2800 روپے کا اضافہ ریکارڈ ہوا تھا۔
روزنامہ دنیا ایپ انسٹال کریں
