ڈالر کی پرواز جاری، سونا نئی بلند ترین سطح پرپہنچ گیا
کراچی(بزنس ڈیسک)زرمبادلہ کی دونوں مارکیٹوں میں منگل کو ڈالر کی پرواز جاری رہی جس کے نتیجے میں ڈالر کے اوپن مارکیٹ ریٹ 282 روپے سے بھی تجاوز کرگئے۔
ادھرعالمی اور مقامی مارکیٹوں میں سونے کی قیمتیں تاریخ کی نئی بلند ترین سطح پر پہنچ گئیں۔ اسٹیٹ بینک کے مطابق انٹربینک میں ڈالر 10 پیسے کے اضافے سے 280.27 روپے پر جاپہنچا۔ فاریکس رپورٹ کے مطابق اوپن مارکیٹ میں ڈالر9پیسے مہنگا ہوکر 282.07 روپے کا ہوگیا۔ دوسری جانب عالمی بلین مارکیٹ میں سونا25ڈالر کے اضافے سے 3022 ڈالرفی اونس کا ہوگیا ۔بین الاقوامی مارکیٹ میں سونے کے نرخ میں اضافے کے باعث مقامی سطح پربھی فی تولہ سونا 2550روپے کے نمایاں اضافے سے 3لاکھ 17ہزار 350روپے کی نئی بلند ترین سطح پر پہنچ گیا۔اسی طرح دس گرام سونے کی قیمت بھی 2186روپے کے اضافے سے 2لاکھ 72ہزار 76روپے کی بلند ترین سطح پر آگئی۔دریں اثنا چاندی کی فی تولہ قیمت 25روپے کے اضافے سے 3555روپے ہوگئی۔
