جنگ بندی سے خطے میں ترقی و تعاون کو فروغ ملے گا،سارک چیمبر
لاہور(اے پی پی)سارک چیمبرکے سابق صدر افتخار علی ملک نے پاک بھارت جنگ بندی کا خیر مقدم کرتے ہوئے کہا کہ۔۔۔
اس سے خطے میں ترقی، تعاون اور استحکام کو فروغ حاصل ہو گا۔ بیان میں انہوں نے کہا کہ جنگ بندی جوہری ہتھیاروں سے لیس پڑوسی ممالک کے درمیان اعتماد کی بحالی کا ایک اہم موقع ہے، پائیدار امن خوشحالی کی بنیاد ہے ، اس لیے دونوں ممالک کو بات چیت اور تعاون کو ترجیح دینا ہو گی۔انہوں نے امن کو فروغ دیتے ہوئے خطے کی 1.9بلین آبادی کی صلاحیتوں سے فائدہ اٹھانے کی ضرورت پر زور دیا۔
روزنامہ دنیا ایپ انسٹال کریں
