ڈالر کی قدر میں اضافہ،تولہ سونا800روپے مہنگا
کراچی(بزنس رپورٹر)زرمبادلہ کی دونوں مارکیٹوں میں پیر کو ڈالر کی قدر میں محدود پیمانے پر اضافہ ہوا۔ادھرعالمی اور مقامی مارکیٹوں میں سونے کی قیمت میں اضافہ ریکارڈ کیا گیا۔
اسٹیٹ بینک کے مطابق انٹربینک میں ڈالر4پیسے کے اضافے سے 283.76 روپے پر جاپہنچا۔فاریکس رپورٹ کے مطابق اوپن مارکیٹ میں ڈالر6پیسے بڑھ کر 286.14 روپے کا ہوگیا۔ دوسری جانب عالمی بلین مارکیٹ میں سونا 8 ڈالر کے اضافے سے 3282 ڈالر فی اونس کا ہوگیا۔ بین الاقوامی مارکیٹ میں سونے کے نرخ میں اضافے کے باعث مقامی سطح پر بھی فی تولہ سونا 800 روپے کے اضافے سے 3لاکھ 50ہزار 200روپے پر جاپہنچا، اس طرح دس گرام سونے کی قیمت 686 روپے بڑھ کر 3لاکھ 240روپے ہوگئی۔دریں اثنا چاندی کی فی تولہ قیمت 3782روپے ہوگئی۔
روزنامہ دنیا ایپ انسٹال کریں
