ڈالر کی قدر میں اضافہ ،تولہ سونا 600روپے سستا
کراچی(بزنس رپورٹر)انٹربینک اور اوپن مارکیٹ میں ڈالر کی قدر میں اضافہ ریکارڈ کیا گیا،ادھرعالمی ومقامی مارکیٹوں میں سونے کی قیمت میں کمی آگئی۔
اسٹیٹ بینک آف پاکستان کے مطابق انٹربینک میں ڈالر19پیسے کے اضافے سے 283روپے 95پیسے پر جاپہنچا۔فاریکس ایسوسی ایشن آف پاکستان رپورٹ کے مطابق اوپن مارکیٹ میں ڈالر 25 پیسے کے اضافے سے 286 روپے 39پیسے کی سطح پر بند ہوئی۔دوسری جانب عالمی بلین مارکیٹ میں سونا 6ڈالر کی کمی سے 3ہزار 342 ڈالرفی اونس کا ہوگیا۔بین الاقوامی مارکیٹ میں سونے کے نرخ میں کمی کے باعث مقامی سطح پر بھی فی تولہ سونا 600روپے کی کمی سے 3لاکھ 56 ہزار 200 روپے کا ہوگیا،اسی طرح دس گرام سونے کی قیمت 514روپے گھٹ کر 3لاکھ 5ہزار 384روپے ہوگئی۔دریں اثنا چاندی کی فی تولہ قیمت 18روپے کی کمی سے 3816روپے ہوگئی۔
روزنامہ دنیا ایپ انسٹال کریں
