کالونیوں ، کچی آبادیوں میں کمرشلائزیشن پرسروے کا حکم
فیصل آباد(نیوزرپورٹر)ڈی جی آصف چوہدری نے ایف ڈی اے کے زیر کنٹرول رہائشی کالونیوں و کچی آبادیوں میں غیر قانونی کمرشلائزیشن سے متعلق جامع سروے کرنے کا حکم دیا ہے۔۔۔
اور کہاہے کہ سروے رپورٹ زمینی حقائق کے مطابق ہونی چاہیے اس سلسلے میں کوئی گڑبڑ یا غلط بیانی پائی گئی تو قصور وار اہلکار کے خلاف سخت انضباطی کارروائی کی جائے گی، انہوں نے یہ حکم اجلاس کے دوران جاری کیا جس میں ایڈیشنل ڈی جی عابد بھٹی، ڈائریکٹر اسٹیٹ مینجمنٹ جنید حسن منج، ڈائریکٹر ٹاؤن پلاننگ، اسما محسن، ڈائریکٹر فنانس یاسر اعجاز چٹھہ، ڈپٹی ڈائریکٹرز، اسسٹنٹ ڈائریکٹرز اور بلڈنگ انسپکٹرز نے شرکت کی۔ ڈی جی نے غیر قانونی اور بے ہنگم کمرشلائزیشن کا سختی سے نوٹس لیتے ہوئے بلڈنگ انسپکٹرز کو ذمہ داری اور دیانتداری سے فرائض انجام دینے ،فیلڈ سٹاف کو مزید متحرک اور فعال انداز میں ڈیوٹی کرنے کی ہدایت کرتے کہا کہ غیر قانونی کمرشلائزیشن کی سختی سے حوصلہ شکنی ہونی چاہیے ،کمرشلائزیشن فیسوں کے دہندگان کے خلاف بلا امتیاز کارروائی کرکتے عدم ادائیگی پر بلڈنگز کو فوری سیل کرکے چالان کیاجائے ۔
