تمام محکمے سرویلنس سرگرمیوں میں تیزی لائیں :ـکاشف رضا
فیصل آباد(نیوزرپورٹر)ایڈیشنل ڈپٹی کمشنر ہیڈ کوارٹرز کاشف رضا اعوان نے ڈینگی کی افزائش روکنے کے لئے ہنگامی اقدامات کی ہدایت کی اور کہا کہ وقفہ وقفہ سے بارشیں لاروا کی افزائش کے لئے موافق ہیں۔
لہذا تمام متعلقہ محکمے سرویلنس سرگرمیوں میں تیزی لائیں اور ڈینگی کی آماجگاہوں کا صفایا کریں تاکہ ڈینگی کو سراٹھانے کا موقع نہ ملے ۔انہوں نے یہ بات ڈسٹرکٹ ایمرجنسی رسپانس کمیٹی برائے انسداد ڈینگی کے اجلاس کی صدارت کرتے ہوئے کہی۔انہوں نے کہا کہ بارشی پانی کو فوری کلیئر کیا جائے اور کسی جگہ پانی جمع نہیں رہنا چاہیے ۔انہوں نے اینٹی ڈینگی ٹیموں کو فیلڈمیں چوکس انداز میں ڈیوٹی انجام دینے کا حکم دیا اور کہا کہ موجودہ ایام میں معمولی سی بھی لاپروائی یا غفلت نہیں ہونی چاہیے ۔
روزنامہ دنیا ایپ انسٹال کریں
