ڈی سی نے ہلال احمر ہسپتال میں پولیو مہم کا افتتاح کیا
فیصل آباد(نیوزرپورٹر)ڈپٹی کمشنرعبداللہ نیئر شیخ نے ہلال احمر میٹرنٹی ہسپتال میں 5 سال تک کی عمر کے بچوں کو پولیو کے حفاظتی قطرے پلاکر مہم کا باقاعدہ افتتاح کر دیا۔ انسداد پولیو مہم 2سے 8اکتوبرتک جاری رہے گی۔
جس دوران پانچ سال تک کے 15 لاکھ 36 ہزار 770بچوں کو پولیو سے بچاؤ کے قطرے پلائے جائیں گے جس کے لئے 4869 پولیو ٹیمیں ڈیوٹی پر مامور ہونگی۔ ڈپٹی کمشنر نے کہا ہے کہ وطن عزیز کو پولیو سے پاک بنانا ترجیح ہے اور باربار مہم کو دہرانے کامقصد اس وائرس کا یکسر خاتمہ کرنا ہے ،والدین اپنے پانچ سال تک کی عمر کے بچوں کو پولیو سے بچاؤ کے قطرے ضرور پلوائیں اور گھر آنے والی پولیو ٹیموں سے تعاون کریں۔
روزنامہ دنیا ایپ انسٹال کریں
