لاثانی پلی سرگودھاروڈ پر غیر منظور شدہ سکیم کے ڈھانچے مسمار
فیصل آباد(نیوزرپورٹر)ڈائریکٹر جنرل ایف ڈی اے آصف چوہدری کی ہدایت پر غیر قانونی ہاؤسنگ سکیموں اور قبضہ مافیا کے خلاف بھرپور آپریشن جاری ہے ۔اس سلسلے میں انفورسمنٹ ٹیم نے کارروائی کرتے۔۔
لاثانی پلی سرگودھاروڈ کے قریب غیر منظور شدہ سکیم کے غیر قانونی تعمیراتی ڈھانچوں کو مسمار کر کے دفتر کو سربمہر کردیاجبکہ مدینہ ٹاؤن میں چناب مارکیٹ کے قریب ایف ڈی اے کے چار کنال رقبہ کے پلاٹ پر قبضہ کی کوشش ناکام بنادی گئی ۔ اسسٹنٹ آفیسر امتیاز گورایہ کی سربراہی میں ایف ڈی اے ٹیم نے لاثانی پلی کے قریب چک نمبر 122 ج ب کی اراضی پر قائم کی جانیوالی ہاؤسنگ سکیم گرینڈ ویو سٹی میں بلااجازت تعمیراتی کاموں سیوریج،سٹریٹ لائٹس اور دیگر غیر قانونی تعمیراتی ڈھانچوں کو مسمار کر دیا اور دفتر کو سیل کرکے ڈویلپرز کو ہدایت کی گئی کہ وہ قانون شکنی سے باز رہیں۔ دوسری کاروائی میں انفورسمنٹ ٹیم نے چناب مارکیٹ مدینہ ٹاؤن کے قریب ایف ڈی اے کے ملکیتی پلاٹ پر ناجائز قبضہ کی کوشش ناکام بناکرقیمتی جانبدار کے تحفظ کے لیے وہاں سکیورٹی گارڈز تعینات کر دیئے ۔
