مغرب اسلام کو دہشتگردی سے جوڑنے کی سازشیں کر رہا :مقررین
چناب نگر(نامہ نگار)ختم نبوت اسلامک سنٹرچناب نگر میں منعقدہ ختم نبوت سیمینار سے خطاب کرتے ہوئے حضرات علما کرام و مقررین نے کہا کہ نبی اکرم نے دنیا میں محبت کا پیغام پھیلایا نبی اکرم کے ساتھ ہی انسانیت اور ۔۔۔
مذاہب کی تکمیل ہو گئی ،اسلام ایک مکمل ضابطہ حیات ہے جسے مسلمانوں نے پوری دنیا میں پھیلانا ہے ،مقررین نے کہا کہ مغرب اسلام کو دہشت گردی سے جوڑنے کی سازشیں کر رہا ہے جو قابل مذمت ہے انہوں نے کہا کہ پاکستان دنیا میں سر اٹھا کر چلنے والا باوقار ملک ہے اور اپنا دفاع کرنا جانتا ہے ہماری نا کامی کا سبب قرآن و حدیث سے دوری ہے جس کی وجہ سے ہم مسلمان خوار ہو رہے ہیں کامیابی حاصل کر نے کیلئے مسلمانوں کو دین اسلام اور اور حضورﷺ کے بتائے ہو ئے احکامات پر عمل کر نا ضروری ہے ان کا کہنا تھا کہ اسلام دنیا کا واحد مذہب ہے جس میں کو ئی جبر نہیں اور یہ اﷲ کا پسندیدہ دین ہے جس کو اپنا کر مسلمان دنیا و آخرت میں سر خرو ہو سکتا ہے اغیار کے سامنے سر جھکانے والے کبھی بھی کامیاب نہیں ہو سکتے ۔
