علما کونسل کے زیر اہتمام کشمیریوں سے یکجہتی کیلئے سیمینار
فیصل آباد(سٹاف رپورٹر)پاکستان علما کونسل کے زیر اہتمام مقبوضہ کشمیر کے مظلوم مسلمانوں کے ساتھ یکجہتی کشمیر سیمینار جامعتہ الرشید فیصل آباد میں منعقد ہوا ۔جس میں پاکستان علما کونسل کے ضلعی ذمہ داروں نے شرکت کی۔
ان کا کہنا تھا کہ کشمیریوں کے جدوجہد آزادی میں ان کے شانہ بشانہ کھڑے ہیں۔ کشمیریوں کے حق خود ارادیت کے مطالبے کو تسلیم کیا جائے ۔ بھارت کے کشمیر پر غاصبانہ تسلط کا عالمی برادری نوٹس لے ۔ کشمیریوں کیساتھ بھر پور یکجہتی کا اظہار کرتے ہیں۔کشمیریوں سے محبت پاکستانیوں کے خون میں شامل ہے ۔کشمیر پاکستان کی شہ رگ ہے ۔بھارت کی جانب سے مقبوضہ جموں و کشمیر میں انسانی حقوق کی مسلسل خلاف ورزیوں کی شدید مذمت کرتے ہیں۔ بھارتی فوجی قیادت کے اشتعال انگیز بیانات غیر ذمہ دارانہ ہیں اور علاقائی استحکام کیلئے نقصان دہ ہیں۔صاحبزادہ اظہارالحق خالد نے بلوچستان میں دہشت گردی کی مذمت کی اور اس عزم کا اظہار کیا کہ پاک فوج، خیبر پختونخواہ اور بلوچستان میں جن چیلنجز کا مقابلہ کررہی ہے پوری قوم ان کے شانہ بشانہ ہے اورعوام کی بھر پور حمایت اور دعائیں ان کے ساتھ شامل حال ہیں۔
