کھلی کچہریوں کا مقصد فوری انصاف کی فراہمی :سی پی او
قلعہ دیدار سنگھ (نامہ نگار )وزیراعلیٰ مریم نواز کے وژن کے مطابق سی پی او گوجرانوالہ رانا ایاز سلیم کی جانب سے شہریوں کے مسائل کا حل ان کی دہلیز پر انصاف کی فراہمی کیلئے تھانہ قلعہ دیدار سنگھ میں کچہری کا انعقاد کیا گیا۔
جہاں پویس افسر وں سمیت شہریوں کی بڑی تعدادم موجودتھی۔ اس موقع پر سی پی او نے شہریوں کے اجتماعی و انفرادی مسائل سنے اور موقع پر متعلقہ افسر وں کو حل کرنے کے احکامات جاری کیے ۔ سی پی او نے کچہری سے خطاب کرتے ہوئے کہا کہ وزیراعلیٰ پنجاب کی ہدایات پر اوپن ڈور پالیسی کے تحت کھلی کچہریوں کا انعقاد کیا جارہا ہے جس کا مقصدکمیونٹی پالیسنگ کافروغ اور شہریو ں کو ان کی دہلیز پر انصاف کی فراہمی کو یقینی بنانا ہے اور میں خود آپ کے درمیان حاضرہوا ہوں تاکہ آپ سے ملنے اور مسائل سے آگاہی حاصل ہو۔سی پی او نے کہاکہ قلعہ دیدار سنگھ پولیس منشیات فروشوں، ناجائز اسلحہ مافیاودیگر جرائم پیشہ عناصر کیخلاف دن رات کوشاں ہے اور خواتین و بچوں سے زیادتی،ظلم وتشدد کے مرتکب افراد کیخلاف زیروٹالرنس پالیسی پر عمل پیرا ہے تا ہم شہری پرامن معاشرے کی تشکیل کے لیے پولیس کا ساتھ دیں۔
