وزیرآباد:ٹریکٹر سے بچتے کار الٹ گئی ،بچوں سمیت 5زخمی
وزیرآباد(نامہ نگار)ٹریکٹر کو بچاتے کار روڈ کنارے لگے درخت سے ٹکرا گئی ،تین بچوں سمیت ایک ہی خاندان کے 5 افراد زخمی ہوگئے ۔
جی ٹی روڈ بائی پاس ٹھٹھہ فقیر اللہ کے قریب کار اچانک سامنے آ جانے والے ٹریکٹر کو بچاتے ہوئے سڑک کنارے لگے درخت سے ٹکرا کر الٹ گئی اور گاڑی میں سوار گجرات کے رہائشی عبدالرحمن راجپوت ،اسکی 22 سالہ اہلیہ زونیرا بیٹے علی ایان ،عبدالمنان اور بیٹی مومنہ شدیدزخمی ہو گئے جنہیں ریسکیو 1122 کے اہلکاروں نے سول ہسپتال وزیرآباد منتقل کر دیا جہاں زخمیوں میں2کی حالت خطرے سے باہر بتائی گئی ہے جبکہ تشویش ناک حالت کے پیش نظر عبدالرحمن ،زونیرا اور بیٹے علی ایان کو ڈسٹرکٹ ہیڈ کوارٹرز ہسپتال گوجرانوالہ منتقل کر دیا گیا ۔
روزنامہ دنیا ایپ انسٹال کریں
