پنجاب کالجز کے زیر اہتمام کرکٹ ٹورنامنٹ کا انعقاد
گوجرانوالہ(نیوز رپورٹر )پنجاب گروپ آف کالجز کے زیر اہتمام کرکٹ ٹاکرا کے ٹائٹل کے ساتھ گوجرانوالہ کلسٹر کی ٹیموں کے مابین کرکٹ ٹورنامنٹ کا افتتاح کر دیا گیا ہے ۔
ڈائریکٹر ایڈمنسٹریشن پنجاب کالجز گوجرانوالہ محمد شہزاد رفیق نے فیتہ کاٹ کر کرکٹ ٹورنامنٹ کا باقاعدہ افتتاح کیا۔ اس موقع پر پرنسپل پنجاب کالجز محمد سلمان ،رئیس احمدچٹھہ, ڈائریکٹر سپورٹس محمد ریاض،اساتذہ اور گوجرانوالہ کلسٹر کی ٹیموں کے اراکین اور انچارج بھی موجود تھے ۔مختلف رنگوں کی شرٹس میں ملبوس کھلاڑیوں نے مارچ پاسٹ میں حصہ لیا ۔فضا میں رنگا رنگ غبارے چھوڑے گئے ۔ٹوڑنا منٹ میں گوجرانوالہ کلسٹر کی ٹیموں پنجاب کالجگوجرانوالہ ، پنجاب کالج حافظ آباد، پنجاب کالج وزیر آباد، پنجاب کالج ڈسکہ، پنجاب کالج قلعہ دیدار سنگھ، پنجاب کالج تتلے عالی، پنجاب کالج علی پور چٹھہ، پنجاب کالج کامونکی ،پنجاب کالج نو شہرہ ورکاں نے حصہ لیا۔دو روزہ کرکٹ ٹورنامنٹ میں تمام ٹیموں کے مابین میچز ہوئے جبکہ فائنل میچ پنجاب کالج گوجرانوالہ اور پنجاب کالج کامونکی کے درمیان کھیلا گیا جو کہ پنجاب کالج گوجرانوالہ نے جیت لیا ۔ڈائریکٹر ایڈمنسٹریشن پنجاب کالجز گوجرانوالہ محمد شہزاد رفیق نے گوجرانوالہ کلسٹر کی تمام ٹیموں کے کھیل کو سراہا اور جیتنے والی پنجاب کالج گوجرانوالہ کی ٹیم کو مبارکباد دی۔
