گیپکو ایمپلائزہائوسنگ فائونڈیشن کے متاثرین کا احتجاج
گوجرانوالہ (سٹی رپورٹر )گیپکو ایمپلائزہائوسنگ فائونڈیشن (گیف )کے متاثرین کا چیف آفس گیپکوکے سامنے احتجاج ، مظاہرین کی قیادت کرنے والے مرتضیٰ بھٹی ودیگر کاکہناتھا کہ بیشتر ملازمین نے تمام ترواجبات اداکرد ئیے ہیں مگر گیف پر پیشرفت پیپر ورک سے آگے نہیں بڑھ سکی۔
گیف انتظامیہ کی طرف سے حاصل کی گئی اراضی کم ہے جبکہ پلاٹس کی فائلز کہیں زیادہ دی جاچکی ہیں جس کی وجہ سے نہ تو گیف منصوبہ پرکوئی پیش رفت ہورہی ہے اورنہ ہی برسوں سے الاٹیز کو تعمیراتی عمل کیلئے گرین سگنل مل رہا ہے ،گیف کی رجسٹریشن جون 2010 میں ہوئی اور 2025 آچکا لیکن کوئی الاٹمنٹ نہیں،گیف سے جس جس نے مٹی بیچی ہے ان کو منظر عام پر لایا جائے اور ان کے خلاف سخت کارروائی کی جا ئے ،موجودہ حالات میں متاثرین اپنے مطالبات حکام بالا تک پہنچانے کیلئے احتجاج پر مجبور ہوئے ہیں ،متاثرین نے میڈیا سے گفتگو میں بتایا کہ ہم نے اپنا پیٹ کاٹ کر جمع کی گئی رقم ان کو دے دی ہے اوریہ لوگ ہمیں ٹر خا رہے ہیں ٹیکسز کی رقوم ذاتی اکانٹس میں کیوں رکھی گئیں اگر یہ درست ہے تو ملوث افراد کے خلاف کارروائی عمل میں لائی جائے اگر فوری طور پر مسئلہ حل نہ کیا گیا توگیپکو ہیڈ کوارٹرز کے سامنے احتجاجی دھرنا دیں گے جو مطالبات کی منظوری تک جاری رہے گا۔
