اسلام آباد سے 2 گاڑیاں، 26 موٹرسائیکل، زیور چوری
اسلام آباد(اپنے نامہ نگار سے)وفاقی دارالحکومت کے شہریوں کو 2 گاڑیوں، 26 موٹرسائیکلوں، 17 موبائل فونز، لیپ ٹاپ، زیورات، نقدی اور سامان سے محروم کر دیا گیا۔
تھانہ کوہسار کے علاقہ سے 4 موٹرسائیکل چوری، خاتون کے گھر سے نقدی اور زیور چوری ہو گیا۔ کراچی کمپنی سے 4 موٹرسائیکل اور گاڑی چوری کر لی گئی، آبپارہ سے ایک موٹرسائیکل، رمنا سے 2 موٹرسائیکل چوری ہوگئے، سنگجانی میں شہریوں سے 2 موبائل فون، آئی نائن میں دوستوں سے 4 موبائل فون اور نقدی چھین لی گئی۔ سبزی منڈی میں شہری سے موٹر سائیکل چھین لی گئی، کھنہ سے 4 موٹرسائیکل چوری، 10 شہریوں سے 9 موبائل فون، لیپ ٹاپ، نقدی اور 2موٹرسائیکلیں چھین لی گئیں، کورال سے ایک گاڑی اور ایک موٹرسائیکل چوری، شہری سے موبائل فون اور نقدی چھین لی گئی۔
روزنامہ دنیا ایپ انسٹال کریں
