پولیس کی کارروائیاں، 13 سماج دشمن عناصر گرفتار
![پولیس کی کارروائیاں، 13 سماج دشمن عناصر گرفتار](https://dunya.com.pk/newweb/images/placeholders_gen_image.jpg)
راولپنڈی(خبرنگار)پولیس نے معمول کی کارروائیوں میں 13 سماج دشمن عناصر گرفتار کرلئے، نیوٹاؤن پولیس نے مری روڈ پر ہوائی فائرنگ کرنے والے 2 ملزمان کو گرفتار کرکے اسلحہ اور شراب برآمد کرلی۔
منشیات فروشوں کے خلاف جاری کریک ڈاؤن میں مزید 6 ملزمان کو گرفتار کرکے ان کے قبضہ سے 5 کلو سے زائد چرس برآمد کی گئی۔ گنجمنڈی پولیس نے پتنگ بازی کرنے والے 3 ملزمان گرفتار کر کے 45 پتنگیں اور 6 ڈوریں برآمد کیں، تھانہ سٹی اور وارث خان پولیس نے آتش بازی کا سامان فروخت کرنے والے 2 ملزمان کو گرفتار کر کے مقدمات درج کر لئے۔