کم از کم پنشن35ہزار کی جا ئے ،ایکس سروس مین سوسا ئٹی
راولپنڈی(نیوزرپورٹر)پاکستان ایکس سروس مین سوسائٹی ایک غیر سیاسی فورم ہے ، سابق فوجیوں، مریضوں، پنشنرز اور شہدا کی بیوائوں کی فلاح و بہبود ہماری اولین ترجیح ہے۔
یہ بات ایکس سروس مین سوسائٹی کے صدرلیفٹیننٹ جنرل(ر) عبدالقیوم نے پاکستان ایکس سروس مین سوسائٹی کے سی ڈ بلیو سی اجلاس کی صدارت کرتے ہوئے کہی۔ انہوں نے کہا سابق فوجیوں کی کم از کم پنشن ماہانہ 35000 روپے ہونی چا ہئے ،تمغہ اول خدمت 1,2 اور 3 کے اعزازیہ میں بھی اضافہ کیا جا ئے ۔ اجلاس میں وائس ایڈمرل (ر) عبدالعلیم ، جنرل(ر ) کمال اکبر، ایئر مارشل (ر) شاہین ، کرنل (ر)جمشید، حبیب کیانی اور عزیز اعوان نے شرکت کی۔ عبدالقیوم نے کہا کہ موجودہ حالات میں پنشن میں اضافہ موجودہ مہنگائی کے تناسب سے ہونا چا ہئے ، ایک رینک کی پنشن سب کیلئے برابر ہونی چا ہئے ، سابق فوجیوں کے لئے صحت اور تعلیم کی سہولتیں ناکافی ہیں ان کو بڑھایا جائے۔
