پیٹرولنگ، سرپرائز چیکنگ کو موثر بنایا جائے:آئی جی اسلام آباد
اسلام آباد ( آئی این پی) آئی جی اسلام آباد سید علی ناصر رضوی نے پولیس افسروں کیلئے اہم احکامات جاری کرتے ہوئے کہا ضلع بھر میں پیٹرولنگ، سرپرائز چیکنگ کو موثر بنایا جائے۔
تمام 15کالز پر فوری اور بروقت ریسپانس دیا جائے، سیف سٹی کیمروں کے ذریعے شہر کی نگرانی کو مزید موثر بنایا جائے، افسران باہمی رابطہ مزید بہتر بناتے ہوئے معلومات کا تبادلہ کریں۔ آئی جی پولیس نے کہا اعلیٰ افسران ڈیوٹی پر مامور جوانوں کو چیک کریں اور انہیں ڈیوٹیز کے متعلق مسلسل بریف کرتے رہیں، مارکیٹوں میں رش بڑھ رہا جس کیلئے مارکیٹ ڈیوٹی اور سیف سٹی کے ذریعے شہر کی نگرانی کو مزید موثر بنایا جائے، عبادتگاہوں، تجارتی مراکز اور دیگر اہم مقامات پر سکیورٹی سخت رکھی جائے، جدید ٹیکنالوجی کو استعمال کرتے ہوئے سیف سٹی کیمروں کی استعداد کار کو بڑھایا جائے اور شہر بھر میں سرویلنس اور مانیٹرنگ کا نظام موثر بنایا جائے۔
