وفاقی وزیر آئی ٹی کو مقامی جی پی ٹی ماڈل سے متعلق بریفنگ
اسلام آباد (نیوزرپورٹر) وفاقی وزیر انفارمیشن ٹیکنالوجی شزا فاطمہ خواجہ کو پاکستان کے مقامی جی پی ٹی ماڈل ’ذہانت اے آئی‘ پر بریفنگ دی گئی، فوربز ٹیکنالوجی کونسل کی آفیشل ممبر مہوش سلمان نے بریفنگ دی۔
شزہ فاطمہ خواجہ نے اس موقع پر کہا تعلیمی اداروں میں اے آئی کلاس رومز کا آغاز پاکستان کے مستقبل کیلئے سنگ میل ہے، مصنوعی ذہانت کا استعمال طلبہ کی صلاحیتوں کو نکھارنے میں مدد دے گا، پاکستان میں مصنوعی ذہانت کے فروغ سے مختلف شعبوں کو فائدہ ہوگا، دنیا کا مقابلہ کرنے کیلئے جدید علوم میں مہارت حاصل کرنا ناگزیر اور سٹارٹ اپس میں کام کرنے والے بچوں کو مصنوعی ذہانت سے ہم آہنگ کرنا وقت کی ضرورت ہے، مصنوعی ذہانت کی ترقی میں حکومت کا تعاون جاری رہے گا ۔ مصنوعی ذہانت کی ترقی نوجوانوں کیلئے بے شمار مواقع پیدا کرے گی ۔
روزنامہ دنیا ایپ انسٹال کریں
