تجاوزات کا ذمہ دار بلڈنگز کنٹرول سیکشن ہے، انجمن تاجران

تجاوزات کا ذمہ دار بلڈنگز کنٹرول سیکشن ہے، انجمن تاجران

اسلام آباد (دنیا رپورٹ) آل پاکستان انجمن تاجران اور ٹریڈرز ایکشن کمیٹی اسلام آباد کے صدر اجمل بلوچ اور سیکرٹری و کنوینر ٹریڈرز کمیٹی آئی سی سی آئی خالد چودھری نے کہا ہے کہ تاجر برادری نے اسلام آباد کی مارکیٹوں اور مراکز سے تجاوزات کے خاتمہ کیلئے مکمل تعاون کیا ہے۔

 اب صرف سی ڈی اے کی طرف سے قائم شدہ تجاوزات باقی ہیں ان تجاوزات کا ذمہ دار بی سی ایس ہے، مارکیٹوں میں ترقیاتی کام کرائے جائیں۔ اسلام آباد کی کئی مارکیٹوں اور مراکز میں پینے کا صاف پانی ہے نہ پبلک ٹوائلٹ ۔ بی سی ایس کی ملی بھگت سے پلازوں میں قائم ٹوائلٹ دکانوں میں تبدیل کر دیئے گئے ہیں۔ ضلعی انتظامیہ نے گریڈ گیارہ اور گریڈ نو کے نچلے ملازمین کو مجسٹریٹ کے اختیارات دیئے ہیں، یہ مجسٹریٹ د کانوں سے سامان اٹھا کر دکانداروں کو تھانوں میں بند کر کے ان کی تذلیل کرتے ہیں جبکہ جرمانوں کی رسیدیں بھی نہیں دی جاتیں، سی ڈی اے پانی کے بحران پر قابو پانے کیلئے اقدامات کرے۔ اجلاس سے جی ٹین مرکز کے صدر اخلاق عباسی، بہارہ کہو کے مرکزی صدر راجہ زاہد دھنیال، جناح سپر کے صدر اسد عزیز، ایف ٹین مرکز کے صدر احمد خان، سپر مارکیٹ کے صدر شہزاد عباسی، آئی ایٹ مرکز کے صدر چودھری وحید چیمہ، ستارہ مارکیٹ کے صدر الطاف شاہ، جی الیون مرکز کے صدر نعیم اعوان، ایف الیون مرکز کے صدر مہر اللہ داد، کراچی کمپنی کے صدر راجہ ذوالفقار اور دیگر نے خطاب کیا۔

روزنامہ دنیا ایپ انسٹال کریں