نیوز الرٹ
  • بریکنگ :- آرمی چیف کی ایکسٹینشن کےمعاملے میں ابہام نہیں، حمزہ شہباز
  • بریکنگ :- معاملےپرپارلیمنٹ میں ووٹ دینے کا فیصلہ پارٹی قیادت کاتھا، حمزہ شہباز
  • بریکنگ :- یہ درست فیصلہ تھا، قوموں کی زندگی میں ایسےفیصلے ہوتےہیں،حمزہ شہباز
  • بریکنگ :- ایسےمعاملات میں قومی مفاد کوذاتی مفاد پرمقدم رکھناچاہیے، حمزہ شہباز
  • بریکنگ :- ہماری مفاہمت یہ ہےشفاف الیکشن ہوں اورسب کویکساں موقع ملے،حمزہ شہباز
  • بریکنگ :- آئندہ الیکشن میں سب کوایک جیساپلیٹ فارم ملنا چاہیے،حمزہ شہباز
  • بریکنگ :- گزشتہ الیکشن شفاف نہیں تھا، آئندہ الیکشن شفاف ہونےچاہئیں،حمزہ شہباز
  • بریکنگ :- ہم سیاسی جدوجہد پر یقین رکھتے ہیں،اپوزیشن لیڈر پنجاب اسمبلی
Coronavirus Updates

آلائشیں اٹھانے کے کام کو مزید بہتر اور تیز کرنے کی ہدایت

آلائشیں اٹھانے کے کام کو مزید بہتر اور تیز کرنے کی ہدایت

دنیا اخبار

مرتضیٰ وہاب کا ضلع وسطی کے مختلف علاقوں کا دورہ، آلائشیں اٹھانے کے کام کا جائزہ لیا،چاروں زونز سے آلائشوں کو ڈمپنگ پوائنٹ منتقل کر دیاگیا، ڈاکٹر دھاریجو کی بریفنگ

کراچی (اسٹاف رپورٹر) ترجمان سندھ حکومت بیرسٹر مرتضیٰ وہاب نے ضلع وسطی کے مختلف علاقوں کا دورہ کر کے آلائشیں اٹھانے کے کام کا جائزہ لیا۔ انہوں نے دورے کے دوران لیاقت آباد، ناظم آباد عیدگاہ، نارتھ ناظم آباد اور نیو کراچی میں قائم کلیکشن پوائنٹس پر آلائشوں کو ڈمپنگ پوائنٹ منتقل کرنے کے کام کا معائنہ کیا۔ اس موقع پر ڈپٹی کمشنر ڈاکٹر محمد بخش دھاریجو، میونسپل کمشنر بلدیہ وسطی ڈاکٹر سید محمد علی زیدی بھی ان کے ہمراہ تھے۔ بیرسٹر مرتضیٰ وہاب نے قربانی کے جانوروں کی آلائشوں کو اٹھانے اور ٹھکانے لگانے کے حوالے سے کئے گئے اقدامات سے آگاہی حاصل کی، جبکہ عوام کو مکمل ریلیف فراہم کرنے کے لئے آلائشیں اٹھانے اور کچرے کو ٹھکانے لگانے کے کام کو مزید بہتر و تیز کرنے کی ہدایات دیں۔ اس موقع پر ڈاکٹر محمد بخش دھاریجو نے بیرسٹر مرتضیٰ وہاب کو ضلع وسطی میں عید کے پہلے اور دوسرے روز آلائشوں کو اٹھانے کی تفصیلات سے آگاہ کیا۔ واضح رہے کہ ضلع وسطی کے چاروں زونز سے لاکھوں آلائشوں کو رہائشی علاقوں سے اٹھا کر ڈمپنگ پوائنٹ جام چاکرو منتقل کر دیا گیا۔ آلائشوں کو ٹھکانے لگانے کے لئے بلدیہ وسطی کے عملے کے علاوہ روزانہ کی اجرت پر حاصل کئے گئے مزدور اور نجی ٹرانسپورٹرز سے حاصل کی گئی گاڑیوں نے بھی حصہ لیا۔

Advertisement
روزنامہ دنیا ایپ انسٹال کریں