آئی جی عوام کے تحفظ کے اقدامات میں سنجیدہ ہیں، وزیر داخلہ
کراچی(اے پی پی)سندھ کے وزیر داخلہ ضیا الحسن لنجار نے کہا ہے کہ آئی جی سندھ پولیس غلام نبی میمن عوام کے تحفظ جیسے ۔۔
اقدامات کرنے میں سنجیدہ ہیں۔ منگل کو تاجر برادری، سول سوسائٹی کے ارکان، وکلا برادری اور ہندو برادری کے نمائندوں سے ملاقات میں انہوں نے کہا کہ معاشرے میں امن اور قانون کی حکمرانی میں ان کا کردار بھی بہت اہم ہے ۔ صوبائی وزیر نے کہا کہ عوام کو درپیش مسائل اور مشکلات کا حل ان کی اولین ترجیح ہے ۔ انسپکٹر جنرل سندھ پولیس غلام نبی میمن نے کہا کہ معاشرے میں بسنے والی تمام برادریوں کا تحفظ پولیس کے فرائض کا حصہ ہے ۔ انہوں نے اعتراف کیا کہ معاشی اور کاروباری سرگرمیوں کے فروغ کا تعلق امن سے ہے ۔ غلام نبی میمن نے کہا کہ سندھ پولیس ایک خصوصی حکمت عملی اور منصوبہ بندی کے تحت آگے بڑھ رہی ہے ۔ انہوں نے کہا کہ جرائم پیشہ عناصر قانون کی گرفت سے نہیں بچ سکتے ۔
