غیرت کے نام پر بیوی کو چاقو کے وار سے قتل کرنے والا ملزم گرفتار
کراچی( اسٹاف رپورٹر )شاہ لطیف ٹاؤن تھانے کی حدود شاہ لطیف ٹاؤن سیکٹر 16A منگل بازار کے قریب گھر سے گلا کٹی42سالہ خاتون پروین زوجہ علی حسن شیخ کی لاش ملی ،مقتولہ کی لاش کو جناح اسپتال منتقل کیا گیا ۔
پولیس کا کہنا ہے کہ ٹیکنیکل بنیادوں پر 2 گھنٹوں سے بھی کم وقت میں قاتل کو گرفتار کرلیاگیا۔گرفتار ملزم علی حسن شیخ واقع کے بعد موقع سے فرار ہوگیا تھا،قاتل علی حسن شیخ نے غیرت کے نام پر اپنی بیوی کو چاقو کے وار سے قتل کیا۔گرفتار ملزم کے قبضے سے قتل میں استعمال ہونے والا تیز دھار آلہ بھی برآمد کرلیا۔گرفتار ملزم علی نے قتل میں ملوث ہونے کا اعتراف بھی کیا ، پولیس کی جانب سے مزید قانونی کاروائی عمل میں لائی جارہی ہے اور مزید تفتیش کا سلسلہ جاری ہے ۔ بن قاسم کے علاقے میں جھاڑیوں سے 34سالہ رقیہ نامی خاتون کی تشدد زدہ لاش ملی ، مقتولہ کی لاش کو جناح اسپتال منتقل کر دیا گیا ، پولیس نے بتایا کہ ابتدائی معلومات کے مطابق مقتولہ گزشتہ ہفتے لاپتہ تھی۔تاہم پولیس نے واقعے سے متعلق مزید تفتیش شروع کر دی ہے ۔
