خواتین پر تشدد کے خلاف سخت اقدامات یقینی بنائے جا رہے ہیں،گورنر
کراچی(اے پی پی)گورنر سندھ کامران خان ٹیسوری نے کہا ہے کہ آج ہمیں عہد کرنا ہوگا کہ خواتین کے ساتھ ہونے والے ہر ظلم کے خلاف موئثر اقدامات اور اس کے لئے آواز بلند کریں گے ۔۔
اس وقت خواتین کے خلاف تشدد ایک سنگین عالمی مسئلہ ہے اس ضمن میں عالمی سطح پر تعاون کو فروغ دینا ہوگا۔گورنر ہاس سے جاری اعلامیہ کے مطابق خواتین کے خلاف تشدد کے خاتمہ کے عالمی دن کے موقع پر اپنے پیغام میں انہوں نے مزید کہا کہ صوبہ میں خواتین پر جسمانی،جذباتی ،جنسی اور اقتصادی تشدد کے خلاف سخت اقدامات یقینی بنائے جا رہے ہیں۔خواتین کے خلاف تشدد کو ختم کرنا ہمارا مشترکہ مقصد ہونا چاہئے ۔خواتین کے خلاف تشدد کا خاتمہ ہمارے معاشرہ کی ترقی کے لئے بھی انتہائی ناگزیر ہے ۔گورنرسندھ نے کہا کہ صوبہ میں خواتین پر تشدد کے خلاف بھرپور قانون سازی کی جا رہی ہے جبکہ ان کے حقوق کا تحفظ اور انہیں معاشرہ میں باوقار مواقع کی فراہمی اولین ترجیح ہے ۔ گورنر ہاس میں گورنر انیشیٹو کے تحت آئی ٹی کورسز میں خواتین سر فہرست ہیں، انہیں با اختیار بنانے کے لئے شب و روز کاوشیں بھی جاری ہیں۔
