مویشی منڈی میں 55ہزارسے زائدجانورپہنچ گئے
کراچی (این این آئی)عیدالاضحی میں باقی 20 دن رہ گئے ، 17 اپریل سے فنکشنل کی جانے والی ناردرن بائی پاس مویشی دوست منڈی کی رونقیں بڑھنے لگی ہیں۔۔
1200 ایکڑ رقبے پر پھیلی اس مویشی دوست منڈی میں اب تک 55 ہزار سے زائد قربانی کا جانور لایا جاچکا ہے ،قربانی کے لیے لائے گئے نایاب اور دیدہ زیب گائے ، بیل،بکرے اور خوبصورت نقش و نگار والے اونٹ شہریوں کی توجہ کا مرکز بنے ہوئے ہیں قربانی کے لائے گئے مال مویشیوں کے لیے الگ الگ بلاک مختص کیے گئے ہیں مویشی منڈی میں پہلی بار شہریوں کیلئے بڑے بڑے برانڈز کی فرنچائز فوڈ اسٹریٹ میں کھابوں کے لیے قائم کی گئی ہے مختلف بلاکس میں پہلے دن سے لائیو اسٹاک کے کیمپس قائم ہیں ،پارکنگ ٹھیکیدار کا کہنا ہے کہ موٹر سائیکل پر آنے والے شہریوں کیلئے پاس کی بھی سہولت موجود ہے پہلے سے آدھی قیمت پر موٹرسائیکل کا انٹری پاس 1500 اور بڑی گاڑی کا 3200 میں پورا مہینہ جبکہ ون ڈے پاسز بنواکر بھی گاڑی لانے کی اجازت ہے ۔ایڈمنسٹریٹر مویشی دوست منڈی کا کہنا تھا کہ میں جانوروں کے لیے چارہ،پانی اور بجلی کی سہولت 24 گھنٹے موجود ہے جبکہ فی جانور 30 لٹر پانی مفت فراہم کیا جارہا ہے ۔سکیورٹی کیلئے ایک ہزار پولیس اہلکار تعینات ہیں پہلے دن سے قربانی کے جانوروں کی آمد کا سلسلہ بھی جاری ہے ۔ترجمان نے بتایا کہ لوگ اپنی فیملیز کے ہمراہ رات کے آخری پہر تک یہاں موجود رہتے ہیں۔
