کمشنر آفس کی انسداد تجاوزات کیخلاف آپریشنزکی رپورٹ جاری
کراچی(اسٹاف رپورٹر)کمشنر کراچی سیدحسن نقوی کی ہدایت پر ضلع جنوبی اور کیماڑی میں انسداد تجاوزات کے خلاف جاری آپریشنزکی گزشتہ دو دنوں کی رپورٹ جاری کردی گئی ۔۔
جمعرات کو اسسٹنٹ کمشنر جنرل ہاضم بھنگور نے بتایا کہ دونوں اضلاع میں آپریشنز ڈپٹی کمشنر جنوبی اور کیماڑی کی نگرانی کیا گیا جس میں تمام اسسٹنٹ کمشنرز نے حصہ لیا۔ انہوں نے کہا کہ تجاوزات کے خلاف آپریشن لی لی روڈ ، باتھ آئی لینڈ ، شاہراہ عطر ،عبداﷲ شاہ غازی روڈ ، پاکستان چوک آرام باغ، صدر موبائل مارکیٹ ، فرنچ قونصلیٹ باتھ آئی لینڈ ،ریگل چوک ، ایمپریس مارکیٹ ، بھیم پورہ ، مرزا آدم روڈ لیاری اور دیگر مقامات پر کیا گیا۔انہوں نے کہا کہ تجاوزات کے خلاف آپریشن شہر بھر میں جاری رہے گا،تجاوزات مافیا کے خلاف کارروائی کے دوران کار سرکار میں مداخلت کرنیکی سخت دفعات کے تحت مقدمات کا اندراج بھی کروایا جائیگا۔ انہوں نے مزید کہا کہ ایسٹ اور سینٹرل میں بھی تجاوزات کے خلاف آپریشن مستقل بنیادوں پر جاری ہے جس کے باعث ٹریفک کی روانی میں مزید بہتری آئی ہے ۔
