لیاری میں عمارت گرنے کی تحقیقات کیلئے کمیٹی نے کام شروع کردیا
کراچی (اسٹاف رپورٹر)کمشنر کراچی سید حسن نقوی کی سربراہی میں لیاری میں بلڈنگ گرنے کے افسوسناک واقعہ کی تحقیقات کے لئے حکومت سندھ کی جانب سے قائم کی جائے والی اسٹیئرنگ کمیٹی نے کام شروع کر دیا ہے ۔
کمشنر کراچی سید حسن نقوی کی زیر صدارت ان کے دفتر میں کمیٹی کا اجلاس منعقد ہوا کمیٹی کے پہلے اجلاس میں کمیٹی کے ارکان کو ان کی ذمہ داریاں تفویض کر دی گئی ہیں ۔کمیٹی نے اس افسوسناک واقعہ کی تحقیقات کے لیے مطلوب ضروری اعدادوشمار قواعد وقوانین و ذمہ داروں کی تفصیلات سمیت دستاویز اور دیگر تمام ضروری معلومات جمع کر نے کا کام شروع کردیا ہے ۔کمیٹی اپنی تحقیقات کی روشنی میں جائزہ اور سفارشات مکمل کرکے 48 گھنٹے میں اپنی جامع و تفصیلی رپورٹ حکومت کو پیش کرے گی۔نوٹیفکیشن کے مطابق کمیٹی عمارت کے گرنے کی وجوہات بتائے گی اور ذمہ داروں کا تعین کرے گی۔
روزنامہ دنیا ایپ انسٹال کریں
