گھریلو ناچاقی پر نوجوان کی پھندا لگا کر خودکشی
کراچی (اسٹاف رپورٹر )اورنگی ٹاؤن کے رہائشی شخص نے گھریلو ناچاقی کے باعث گلے میں پھندا لگا کر خودکشی کر لی ۔
تفصیلات کے مطابق مومن آباد کے علاقے اورنگی ٹاؤن 10 نمبر پھول والی گلی کے رہاشی شخص کی گھر سے پھندا لگی لاش ملی ، اطلاع ملنے پر پولیس موقع پر پہنچ گئی اور لاش کو تحویل میں لے کر قانونی کارروائی کے لیے عباسی شہید اسپتال منتقل کی ، پولیس کے مطابق جاں بحق ہونے والے شخص کی شناخت 35 سالہ ساجد ولد صغیر کے نام سے کی گئی ، متوفی نے گھریلو چاقی کے باعث خودکشی کی ہے ، جاں بحق ہونے والے شخص کے ورثا نے پولیس کارروائی کرانے سے انکار کر دیا ، پولیس نے ضابطے کی کارروائی کے بعد لاش ورثا کے حوالے کر دی جبکہ تحقیقات کا بھی آغاز کر دیا گیا ہے ۔
روزنامہ دنیا ایپ انسٹال کریں
