عوام کیخلاف ظالمانہ فیصلے واپس لئے جائیں ،شاداب نقشبندی
کراچی(این این آئی)سربراہ پاکستان سنی تحریک شاداب رضا نقشبندی نے کہا ہے کہ حکومت کے مہنگائی کنٹرول اور بیروزگاری کے خاتمے کے دعوے جھوٹے ثابت ہورہے ہیں۔
گردشی قرضوں کی سود کے ساتھ و صولی کیلئے عوام دشمن پالیسیاں بنائی جارہی ہیں،خورونوش اشیا اورسبزیوں کی قیمتوں میں خود ساختہ اضافہ کرنے والوں کے ساتھ کالی بھیڑیں شامل ہیں،عوام حکمرانوں کے جھوٹے دعوں سے تنگ آچکے ، مایوسی جنم لے رہی ہے ،آئی ایم ایف استحصالی ادارے سے قرضے پر قرضے لینا اور عوام پر ٹیکس پر ٹیکس لگانا ظلم ہے ،عوام کے خلاف ظالمانہ فیصلے واپس لئے جائیں ،بجلی کی قیمتوں میں کمی اور بلاجواز ٹیکس ختم کئے جائیں،حکمران عوام کو دونوں ہاتھوں سے نوچ رہے ہیں، مہنگائی تاریخ کی بلند ترین سطح پر پہنچ چکی ہے ،ملک میں آئین وقانون کی بالادستی اور فوری انصاف پر فیصلے ہوں گے تو ملک ترقی کریگا۔اپنے بیان میں شاداب رضانقشبندی کا کہنا تھا کہ پاکستان کے عوام ملک سے مہنگائی وبیروزگاری کے خاتمے اور معاشی استحکام کیلئے قربانی دینے کو تیار ہیں،حکمران طبقہ قرضے لینے کے بجائے ملک کے وسائل پر انحصار کرتے ہوئے ملک کی معاشی ترقی کیلئے پالیسیاں بنائے ،ملک معاشی طور پر مستحکم کرنا ہے تو عوامی سوچ وامنگوں کے تحت معاشی پالیسیاں بنانا ہوگی،ملک کی معاشی پالیسیوں سے بیرونی مداخلت کو مسترد کرکے میڈ ان پاکستان معاشی پالیسیاں بنائی جائیں۔عوام کو معاشی طور پر مکمل حقوق فراہم کرنا حکمرانوں کی ذمہ داری ہے ،کرپشن کو جڑ سے ختم کرنے کیلئے حکومت سخت اقدامات کرے ۔
