آتشزدگی کے 4مختلف واقعات میں لاکھوں کاسامان خاکستر
فیروزوالہ( تحصیل رپورٹر ) شاہدرہ ،کوٹ عبدالمالک اور فیروزوالا کے علاقوں میں آتشزدگی کے 4 مختلف واقعات میں لاکھوں روپے کا سامان خاکسترہو گیا۔
ریسکیو عملے نے جدوجہد کرکے 4 کروڑ روپے مالیت کا سامان بچا لیا ،بتایا گیا ہے کہ جی ٹی روڈ کی آبادی رچنا ٹاؤن میں سینٹری کی دکان اور گھر میں آتشزدگی کے دوران لاکھوں روپے مالیت کا سامان جل گیا، جب کہ ریسکیو عملہ نے بروقت کارروائی کرکے مزیدنقصان سے بچا لیا، فرنیچر کی دکان میں آگ لگ گئی، ریسکیو ٹیم نے فوری ریسپانس کر کے آگ پر قابو پا کر ملحقہ دکانوں کو آگ کے اثرات سے محفوظ کر لیا، آگ لگنے کی وجہ معلوم نہیں ہوسکی ،تاہم آتشز دگی سے لاکھوں روپے مالیت کا سامان خاکستر ہوگیا، شاہدرہ کے قریب فیکٹری میں آگ لگنے سے لاکھوں روپے کا سامان جل گیا ،جبکہ ریسکیو عملہ نے مبینہ4 کروڑ روپے مالیت کا سامان بچا لیا۔
روزنامہ دنیا ایپ انسٹال کریں
