شامکے بھٹیاں: 1ہزار کلو زائدالمیعاد گوشت برآمد
لاہور(اپنے سٹی رپورٹر سے )ڈائریکٹر جنرل پنجاب فوڈ اتھارٹی محمد عاصم جاوید نے ٹیموں کے ہمراہ شامکے بھٹیاں میں میٹ پروسسنگ یونٹ پر چھاپہ مار کر معروف مارٹس اور سٹورز کو سپلائی کیا جانے والا ایک ہزار کلو زائدالمیعاد، بدبودار اور فنگس زدہ گوشت برآمد کر لیا جسے تلف کر دیا گیا۔
فوڈ اتھارٹی نے یونٹ کے مالک کے خلاف مقدمہ درج کر ادیا جبکہ ایک ملزم کو گرفتار کر لیا گیا ۔ ڈی جی فوڈ اتھارٹی کے مطابق ذبح خانے میں انتہائی ناقص انتظامات تھے اور گندے ،بدبودار چلرزمیں گوشت کو سٹور کیا گیا تھا۔ ناقص غیر معیاری پیکنگ اور زائدالمیعاد گوشت کو تلف کرنے کا ریکارڈ بھی عدم موجود پایا گیا۔ڈی جی فوڈ اتھارٹی نے کہا کہ مارٹس اور سپر سٹورز پر مہنگے داموں فروخت ہونے والے گوشت کا معیار انتہائی ناقص پایا گیا۔برآمد شدہ گوشت قانونی کارروائی مکمل کرنے کے بعد پیمکو بھٹی میں جلا کر تلف کر دیا گیا۔ یونٹ مالک کے خلاف مقدمہ درج جبکہ پوری سپلائی چین کی تفصیل حاصل کی جا رہی ہے ۔
