ڈی سی کا اجلاس میں مزار بابا بلھے شاہؒ پر جاری کاموں کا جائزہ
قصور(نمائندہ دنیا)ڈپٹی کمشنر کیپٹن (ر) اورنگزیب حیدر خان کی زیر صدارت مزار حضرت بابا بلھے شاہ ؒپر جاری ترقیاتی کاموں کا جائزہ اجلاس گزشتہ روز ڈی سی کمیٹی روم میں منعقد ہوا۔۔۔
جس میں ڈپٹی ڈائریکٹر ڈویلپمنٹ سعد بن شبیر، ایکسین بلڈنگ غلام عباس، ڈسٹرکٹ منیجر اوقاف، ایکسین ہیڈ کوارٹر زاوقاف، نیسپاک اور دیگر متعلقہ افسروں نے شرکت کی، اجلاس میں مزار حضرت بابا بلھے شاہ ؒپر جاری ترقیاتی کاموں کے تمام پہلوؤں پر تبادلہ خیال کیا گیا، اجلاس میں محکمہ پلاننگ اینڈ ڈویلپمنٹ پنجاب کی طرف سے جاری ترقیاتی سکیم کے اخراجات کے بہتر استعمال کے متعلق تمام معاملات زیر غور آئے ،اس موقع پر ڈپٹی کمشنر نے متعلقہ افسروں کو ہدایت کی کہ مزار حضرت بابا بلھے شاہ ؒپر جاری ترقیاتی کام کو جلد ازجلد مکمل کیا جائے تا کہ مزار شریف پر آنیوالے زائرین و عقیدت مندوں کو بہترین سہولیات میسر آسکیں۔
