نافرمان بیٹے کا ماں پر تشدد، پولیس نے گرفتار کر لیا
لاہور (کرائم رپورٹر) نافرمان بیٹے نے سگی ماں کو تشدد کا نشانہ بنا ڈالا۔ ترجمان سیف سٹیز کے مطابق اٹک سے خاتون نے ایمرجنسی ہیلپ لائن پر اطلاع دی۔
ماں نے بتایا کہ اس کا بیٹا بد سلوکی کرتا ہے ،مجھے اور میری بیٹی پر تشدد بھی کرتا ہے، ورچوئل ویمن پولیس سٹیشن نے کال موصول ہوتے ہی فوری طور پر پولیس کو روانہ کیا۔ پولیس نے بروقت کارروائی کرتے ہوئے بیٹے کو گرفتار کر لیا۔ بیٹے کی معافی مانگنے پر ماں نے اسے معاف کر دیا ۔ تحریری بیان کے ذریعے بیٹے کو پابند کیا کہ وہ آئندہ اپنی ماں اور بہن پر تشدد نہ کرے ۔ ترجمان سیف سٹیز نے کہا کہ خواتین کسی بھی ایمرجنسی میں 15پر کال کر کے 2دبا کر ورچوئل ویمن پولیس سٹیشن پر رابطہ کریں۔
روزنامہ دنیا ایپ انسٹال کریں
