کیبنٹ کمیٹی میں نیا لوکل گورنمنٹ ایکٹ 2024 کی منظوری
لاہور(عمران اکبر)پنجاب میں نیا لوکل گورنمنٹ ایکٹ 2024 منظور کرلیا گیا۔ نیا لوکل گورنمنٹ ایکٹ کا بل پنجاب اسمبلی منظوری کے پیش کیا جائے گا۔
ذرائع کے مطابق بلدیاتی اداروں کی مدت چار سال رکھی جائے گی، بلدیاتی ایکٹ کی منظوری کیبنٹ کمیٹی نے دے دی ہے ۔وزیر اعلیٰ پنجاب کیبنٹ کمیٹی کے اجلاس میں منظوری دی، میئر کا انتخاب جماعتی بنیادوں پر کرایا جائے گا۔ اربن رورل ایریاز کو مکمل تقسیم کرنے کی حد بندی کی جائے گی۔ڈویژنل ہیڈکوارٹرز میں میٹرو پولیٹن کارپوریشن بنائی جائیں گی۔20ہزار سے کم آبادی میں یونین کونسل قائم ہوں گی،لاہور میں یونین کونسلز تعداد 4 سو زائد کرنے کی تجویز دی گئی۔سات لاکھ سے اوپر آبادی کیلئے میٹروپولیٹن کارپوریشن بنائی جائیں گی۔ پندرہ ہزار سے 50 ہزار آبادی تک ٹائون کمیٹی بنائے جائے گی، پچاس ہزار سے 2 لاکھ آبادی میں میونسپل کمیٹی بنائے جائے گی، دو لاکھ سے 5 لاکھ تک آبادی کیلئے میونسپل کارپوریشنز بنائی جائے ۔وزیر بلدیات ذیشان رفیق کا کہنا ہے کہ بلدیاتی ایکٹ کیکیبنٹ کمیٹی نے منظوری دے دی۔جتنا چھوٹا لوکل گورنمنٹ کا حجم ہوگا، اتنے زیادہ نچلی سطح تک اختیارات منتقل ہونگے ، نیا قانون ہر لحاظ سے جامع اور سابق ایکٹ سے مختلف ہوگا، بلدیاتی اداروں کی مدت چار سال مقرر کی جائے گی۔
