مجلس اتحاد امت کے زیر اہتمام اظہار یکجہتی فلسطین کانفرنس
لاہور (اے پی پی) مجلس اتحاد امت کے زیر اہتمام مینار پاکستان پراظہار یکجہتی فلسطین کانفرنس کا انعقاد کیا گیا۔ کانفرنس سے خطاب کرتے ہوئے نائب امیر جماعت اسلامی لیاقت بلوچ نے کہا۔۔۔
اب تک 65 ہزار فلسطینی شہید ہو گئے ہیں ،جنگی مجرم کے مقابلہ میں پوری دنیا کو جاگنا ہوگا، کشمیر پاکستان اور فلسطین امت کی شہ رگ ہے ،بھارتی سازش کے بعد پاکستانی حکومت کی طرف سے قومی سلامتی کمیٹی کے فیصلوں کا خیر مقدم کرتے ہیں۔چیئرمین قرآن وسنہ موومنٹ ابتسام الٰہی ظہیر نے خطاب کرتے ہوئے کہا غزہ میں مسلمان خواتین ،نوجوانوں و بچوں کو ذبح کیاگیااورگھروں پر بے دریغ بارود برسایا جارہا ہے ،ہم یہود و نصاری کاہر فورم پر بھرپور مقابلہ کریں گے ۔ عبد الحق ثانی نے کہا فلسطینی قوم ظالموں کے سامنے ڈٹ کر مقابلہ کررہی ہے ،پاکستانی قوم فلسطینیوں سے اظہار یکجہتی کرتی ہے ،ہم گلی گلی کوچے کوچے میں ان کی آواز بلند کر یں گے ۔ اگر دشمن نے وطن عزیز کی طرف میلی آنکھ سے دیکھا، پانی بند کیا یا جارحیت کی کوشش کی تو قوم افواج کے شانہ بشانہ کھڑی ہوکر وطن عزیز کا بھرپور دفاع کرے گی۔
