لاری اڈوں کی نیلامی‘ پنجاب حکومت کا ای ٹینڈرنگ کا فیصلہ
لاہور (اپنے سٹی رپورٹر سے)پنجاب حکومت نے شفافیت کو مدنظر رکھتے ہوئے لاہور کے لاری اڈوں کی ای ٹینڈرنگ کے ذریعے بڈنگ اورالیکٹرانک نیلامی کرانے کی منظوری دیدی۔
ذرائع کے مطابق چار لاری اڈوں کی خلافِ قانون نیلامی کرانے کے انکشاف پر نیلامی روک دی گئی۔ اب بادامی باغ ،سکندریہ ،جناح ٹرمینل ، ٹھوکر اوررائیونڈ بس اڈے اڈے کے ٹھیکوں کی ای ٹینڈرنگ ہوگی۔مالی سال 2025-26 میں ارب 15 کروڑ کی نیلامی کا ہدف رکھا گیا، 2025میں 48ٹھیکوں کی ای ٹینڈرنگ سے نیلامی کرائی جائیگی، جنرل بس سٹینڈز اے سی ،نان اے سی بسوں کے کنٹریکٹ کیلئے 30 کروڑ 2لاکھ ، انٹر سٹی کنٹریکٹ کا ہدف 12 کروڑ ،ٹھوکر جناح ٹرمینل اے سی ،نان اے سی بسوں کے کنٹریکٹ کاہدف 7کروڑ،سکندریہ کالونی اے سی بسوں کا کنٹریکٹ ہدف 31کروڑ ، انٹرسٹی ویگن سیکٹر ملتان روڈ کا کنٹریکٹ ہدف 13کروڑ،قلی فیس جنرل بس سٹینڈ کنٹریکٹ کا 1کروڑ13 لاکھ ،پارکنگ فیس جنرل بس سٹینڈ 4 کروڑ 55لاکھ ہدف مقرر ،انٹرسٹی ویگن سیکٹرشیخوپورہ کا کنٹریکٹ ہدف 4 کروڑ 52 لاکھ ، رائیونڈ اے سی نان اے سی بسوں کاکنٹریکٹ ہدف87لاکھ، جنرل ٹرک سٹینڈ پارکنگ کا کنٹریکٹ ہدف 40لاکھ ،سکندریہ کالونی پارکنگ کا کنٹریکٹ ہدف 1کروڑ 21لاکھ ،جناح بس ٹرمینل پارکنگ سٹینڈ کا کنٹریکٹ ہدف 48لاکھ 10ہزاراورپبلک ٹائلٹ منی بس ٹرمینل کا کنٹریکٹ ہدف 68لاکھ رکھا گیا۔
