صوبائی وزرا کی زیرصدات ہسپتالوں میں سہولیات کا جائزہ
اپ گریڈیشن ،عملہ کمی کو ترجیحی بنیادوں پر پورا کیا جائیگا:خواجہ سلمان ،عمران نذیر
لاہور(اپنے سٹاف رپورٹر سے )عوام کو بہترین طبی سہولیات کی فراہمی کیلئے صوبائی وزرائے صحت خواجہ سلمان رفیق اور خواجہ عمران نذیر کی سربراہی میں اہم اجلاس ہوا۔ پنجاب کے ہسپتالوں میں ایچ آر و دیگر سہولیات کی فراہمی کا جائزہ لیا گیا۔ وزرائے صحت نے وزیر اعلیٰ پنجاب مریم نواز کے ویژن کو ہر صورت پورا کرنے کا عزم ظاہر کیا۔ اجلاس میں کوٹ خواجہ سعید، یکی گیٹ اور سید مٹھا ہسپتالوں میں ایچ آر کے مسائل زیر غور لائے گئے ۔صوبائی وزرانے کہا ہسپتالوں کی اپ گریڈیشن و سٹاف کی کمی کو ترجیحی بنیادوں پر پورا کیا جائے گا۔ کنسلٹنٹ، سرجنز، نرسز اور پیرا میڈیکل سٹاف کو ہنگامی بنیادوں پر فراہم کیاجائیگا۔ نئی بھرتی سے آیچ آر کے مسائل حل میں مدد ملے گی۔ یہ ہسپتال آبادی کے بڑے حصے کو طبی سہولیات فراہم کر رہے ہیں۔ ہسپتال کے معاملات چلانے کیلئے ضروری وسائل اور اسٹرکچر فوری فراہم کرنے کی ہدایت کی گئی ۔ اجلاس میں رکن پنجاب اسمبلی ممتاز رئیس، پروفیسرمحمود ایاز، سپیشل سیکرٹری سپیشلائزڈ ہیلتھ نبیلہ عرفان، ایم ایس سید مٹھا ہسپتال ڈاکٹر عقیل اور یکی گیٹ ہسپتال کی انتظامیہ نے آن لائن شرکت کی۔
