پیف کے تحت پنجاب سپورٹس گالا ملتان ڈویژن کا افتتاح
وہاڑی (نمائندہ خصوصی،خبرنگار ) پنجاب ایجوکیشن فاؤنڈیشن کے تحت پنجاب سپورٹس گالا ملتان ڈویژن کا انعقاد عقیلہ دولتانہ کمپلیکس دولت آباد وہاڑی میں کیا گیا۔
تقریب کا افتتاح شازیہ دولتانہ ڈویژنل سرپرست اعلیٰ پنجاب ایجوکیشن فاؤنڈیشن نے فیتہ کاٹ کر کیا جس میں چاروں اضلاع وہاڑی ملتان خانیوال لودھراں کی ٹیموں نے حصہ لیا ،100 میٹر ،200 میٹر ،400 میٹر دوڑ لانگ جمپ، تلاوت اور تقاریری مقابلوں میں چاروں اضلاع کے طلبا و طالبات نے بہترین پوزیشنز حاصل کیں ۔کنونیئر سپورٹس کمیٹی پنجاب ایجوکیشن فاؤنڈیشن محمد افتخارخان،ممبرسپورٹس کمیٹی چوہدری سعود مختار،راؤ محمد اکرم،رانا اشرف علی خان کی زیر نگرانی مقابلے کرائے گئے ۔ تقریب میں وہاڑی سے محمد سرفراز پہوڑ،محمد اکرم سیال،سید بلال شاہ ،نذر عباس جوئیہ ،میلسی سے راؤ خالد شریف ،میاں زاہد نظامی ،راؤ ناصر علی، ملتان سے محمد الطاف ،خادم حسین بلوچ ،برہان خالد ،لودھراں سے رانا عبدالجبار ،خالد جاوید ،اصغر علی ،خانیوال سے چودھری ادریس، محمد افضل، نصیر احمد،بسم اللہ ارم نے خصوصی شرکت کی ۔
