دی سالویشن آرمی چرچ وہاڑی کی 90 سالہ سالگرہ منائی گئی
وہاڑی(نمائندہ خصوصی )دی سالویشن آرمی چرچ وہاڑی کی 90 سالہ سالگرہ منائی گئی ،مہمانان خصوصی چیف سیکرٹری لیفٹیننٹ کرنل صفدر اقبال ، کرنل آسیہ صفدر کے ہمراہ میجر شرافت الیشع، میجر شکیلہ شرافت ۔۔۔
کیپٹن خرم شہزاد ،کیپٹن سمیرا خرم اور صوبیدار شکیل وزیر نے کیک کاٹا، اس موقع پر مرد و خواتین کی کثیر تعداد چرچ میں موجود تھیں ۔مہمانان خصوصی جو لاہور اور خانیوال سے آئے تھے ،کلیسیا کے لوگوں نے انکا پرتپاک استقبال کیا ،چرچ کمپاؤنڈ پہنچنے پر انہیں گارڈ آف آنر پیش کیا گیا اور قومی ترانہ بجایا گیا۔ مہمان خصوصی لیفٹیننٹ کرنل صفدر اقبال نے اپنے خطاب میں چرچ کی سالگرہ کی مبارکباد پیش کرتے ہوئے کہا کہ وہاڑی کے لوگ پر امن ہیں، یسوع المسیح کی تعلیم بھی ہمیں امن و سلامتی اور ایک دوسرے کو معاف کرنے کا درس دیتی ہے ۔ چرچ کی جانب سے معزز مہمانوں کو یاد گار شیلڈز اور تحائف دئیے گئے ۔عبادت کے فوراً بعد چرچ کونسل کی جانب سے حاظرین کو کیک اور چائے پیش کی گئی۔
