نشترہسپتال،ادویات بحران شدید،مریض دربدر
ملتان(لیڈی رپورٹر)نشتر ہسپتال میں ادویات بحران شدت اختیار کر گیا مریض ادویات کے حصول کے لئے دھکے کھانے پر مجبور ہو گئے گردوں کے امراض میں مبتلا ڈائیلسز کرانے والے مریض بھی اپنے ڈائیلسز کرانے کے لئے باہر سے ادویات خریدنے لگے۔
تفصیلات کے مطابق نشتر ہسپتال میں ڈائیلسز کے مریض تمام تر ادویات خود خریدنے پر مجبور ہیں نیو اور اولڈ ڈائیلسز یونٹ میں ڈائیلسز کی ادویات کئی روز سے ختم ہیں ڈائیلسز کی مریضہ کا کہنا ہے کہ ہمیں ڈائیلسز کے لئے کوئی دوا اور سامان نہیں دیا جا رہا ڈائیلسز مہنگا علاج ہے ہفتے میں تین دن ڈائیلسز ہوتے ہیں ۔وزیر اعلیٰ پنجاب معاملے کا نوٹس لیں غریب مریض مہنگائی کے دور میں ادویات نہیں خرید سکتے ادویات نہ ملنے پر ڈائیلسز کے مریض پریشانی میں مبتلا ہیں مریضوں کا کہنا ہے کہ ڈائیلسز کی ادویات کئی روز سے ختم ہیں اور انہوں نے متعدد بار نشتر انتظامیہ سے ادویات نہ ملنے کی شکایت بھی کی ہے لیکن اس کے باوجود بھی ان کو کسی قسم کی کوئی دوا فراہم نہ کی گئی ہے اس بارے میں ایم ایس نشتر ڈاکٹر زاہد کا کہنا ہے کہ نشتر ہسپتال میں ڈائیلسز کی تمام تر ادویات موجود ہیں اور کچھ ادویات جو شارٹ تھیں وہ بھی انہوں نے کل رات کو ہی فراہم کروا دی ہیں۔
