پیف ،سکول فنانس معاملات ڈیجیٹلائز کرنیکافیصلہ
ملتان(خصوصی رپورٹر )پیف سکولوں کو فنانس کے معاملات کو ڈیجیٹل لائز کرنے کا حکم ، تنخواہیں بینک یا فون اکائونٹس میں دینے کی ہدایت ۔
تفصیل کے مطابق پنجاب ایجوکیشن فائونڈیشن نے تمام پیف سکول مالکان کو ہدایت کی ہے ۔وہ اساتذہ کی تنخواہ کام کے اوقات کے تناسب سے ہر ماہ بر وقت ادا کریں سکول ریکارڈ میں اساتذہ کی تنخواہ کار جسٹر رکھیں جس میں ہر ماہ اساتذہ کی تنخواہ کی ادائیگی کا اساتذہ کے دستخط کے ساتھ اندراج کریں اور ہر ایک ٹیچر کی تنخواہ کا اندراج پیف کے ٹیچر انفارمیشن سسٹم میں بھی لازمی کریں مزید بر آن پیف سکولوں میں پڑھانے والے اساتذہ کو اپریل 2025 سے ماہانہ تنخواہ صرف اور صرف ڈیجیٹل پلیٹ فارم مثال کے طور پر بینک اکاؤنٹ، ایزی پیسہ ، جاز کیش وغیرہ کے ذریعہ سے ان کے فراہم کئے گئے اکاؤنٹ میں منتقل کریں اوراس کی رسید اپنے ریکارڈ میں محفوظ رکھیں ان ہدایات پر عمل درآمد نہ کرنے کی صورت میں محکمانہ کارروائی عمل میں لائی جائے گی۔
