کالجز میں حسب ضرورت سی ٹی آئی رکھنے کی ہدایت
ملتان (خصوصی رپورٹر) کالجز میں ضرورت کے مطابق سی ٹی آئی رکھنے کی ہدایت ، ملتان سمیت صوبے کے ڈائریکٹرز کالجز سے تفصیل طلب کرلی گئی۔
تفصیل کے مطابق ہائرا یجوکیشن ڈیپارٹمنٹ نے سی ٹی آئیز کے لئے نئی گائیڈ لائن جاری کردیں جس کے مطابق 2025 کے لئے سٹاپ گیپ انتظام کے طور پر کالج ٹیچرز انٹرنیز رکھے جائیں گے ۔ڈائریکٹر پبلک انسٹرکشن کالجز پنجاب نے ڈائریکٹرز سے کہا ہے کہ وہ کالجز کے پرنسپلز سے رابطہ کریں اور مکمل سکروٹنی کے بعد ڈیمانڈ تیار کی جائے کہ انہیں رواں سال 2025 کے دوران کتنے کالج ٹیچرز انٹرنیز کی ضرورت ہوگی ڈویژنل ڈائریکٹرز کو ہدایت کی گئی ہے کہ وہ یہ کام ہر لحاظ سے مکمل کر کے رپورٹ کرکے ارسال کریں حساب کتاب کالج اور ایس ٹی آرکی اصل ضرورت پر مبنی ہونا چاہیے ۔کالجوں کے پرنسپل کے دستخط شدہ مطلوبہ معلومات، متعلقہ ڈپٹی ڈائریکٹرز کے ذریعے تصدیق شدہ اور متعلقہ ڈویژن کے ڈائریکٹرز آف ایجوکیشن (کالجز) کی طرف سے جوابی دستخط شدہ معلومات جمع کرائی جائیں نامکمل یا غلط معلومات کی صورت میں متعلقہ ڈائریکٹرز، ڈپٹی ڈائریکٹرز اور پرنسپل ذمہ دار ہوں گے ۔
