زکریا یونیورسٹی میں پھر چور سرگرم، پارکنگ غیر محفوظ
ملتان(خصوصی رپورٹر) زکریا یونیورسٹی میں پھر چور سرگرم، محفوظ پارکنگ غیر محفوظ ہوگئیں، پروفیسر کی گاڑی کا ٹائر چور ی ہوگیا۔۔
تفصیل کے مطابق زکریا یونیورسٹی میں چور پھر متحرک ہوگئے اساتذہ اور ایمپلائز میں تشویش کی لہر دوڑ گئی ایک روز قبل ڈاکٹر ساجد کی گاڑی محفوظ پارکنگ میں کھڑی تھی جس پر سیکورٹی گارڈز کی خصوصی ڈیوٹیاں لگائی گئیں ہیں مگر چوران کی گاڑی کاٹائر کھول کر لے گئے ۔ذرائع کا کہنا ہے کہ چوروں کا گروہ دوبارہ متحرک ہوا ہے ، ابتدائی طورپر ٹائر اور گیس سلنڈرچوری کی وارداتیں کررہا ہے ،ابتدائی طور پر ایسا لگتا ہے کہ وہ چھوٹے پیمانے پر پریکٹس کر رہا ہے جیسے گاڑی کا پہیہ، گیس سلنڈر وغیرہ چوری کرنے کی مشق کر رہا ہے اور چوری کی کسی بڑی واردات کی تیاری کر رہا ہے ۔ٹیچرز نے اعلیٰ حکام سے مطالبہ کیا ہے کہ ابھی سے سکیورٹی حکام کو متحرک جائے تاکہ کسی بھی بڑی واردات کوروکا جاسکے ۔
