نکاسی آب،سیوریج لائنوں کی صفائی مہم تیز
ملتان(وقائع نگار خصوصی )منیجنگ ڈائریکٹر واسا خالد رضا خان کی ہدایت پر فراہمی و نکاسی آب سروسز اور سیوریج لائنوں کی صفائی سلسلہ تیز کردیا گیا۔۔
مون سون کے پیشگی انتظامات، شکایات کے تدارک اور سیوریج لائنوں کی صفائی کیلئے جدید مشینری کے ذریعے آپریشن کیا جا رہا ہے ،تمام سیوریج سب ڈویژنوں کی سطح پر ٹیمیں شیڈول کے مطابق ڈی سلٹنگ کرنے میں سرگرم ہیں ،سیوریج سب ڈویژن کی سطح پر جدید کیمروں اور مشینری کے ذریعے پائپ لائنوں کی بھرپور صفائی کی جارہی ہے اور پائپ لائن کی صفائی سے قبل اور بعد از صفائی کارکردگی رپورٹ بھی مرتب کر کے منیجنگ ڈائریکٹر واسا کو پیش کی جا رہی ہے ۔گزشتہ روز شہر کے مختلف علاقوں میں ٹیموں نے جدیدمشینری کے ہمراہ سیوریج لائنوں کی بھرپور صفائی اور شکایت کا ازالہ کیااور سیوریج سب ڈویژنوں کی جانب سے ایم ڈی واسا کو اپنی اپنی حدود میں ڈی سلٹنگ مہم کے حوالے سے کارکردگی رپورٹ بھی پیش کی ۔رپورٹ کے مطابق مین سیور لائن نزد زکریا ٹاؤن سٹریٹ نمبر7،8،حسن آباد گیٹ نمبر1سٹریٹ نمبر 15A،سٹریٹ نمبر12B،خانیوال روڈ،60فٹی روڈ گلشن مارکیٹ،Sبلاک نیو ملتان،بسم اللہ کالونی مین،زکریا ٹاؤن گلی نمبر25،شاہ فیصل کالونی، بریسک سیور لائن پاک گیٹ، پوسٹ آفس سٹریٹ نواں شہر،مغل آباد مین سٹریٹ،جان محمد کالونی،مین لائن سٹیڈیم روڈ،فیض ٹاؤن طارق آباد،رحمٰن کالونی،حیات ٹاؤن،بلال نگر نزد سر سید سکول،قیصر آباد سٹریٹ نمبر3،لکڑ منڈی فیضی روڈ،الجیلان روڈ مین لائن،ولایت آباد نمبر2کے علاقوں میں درجنوں مین ہولز کی صفائی کی گئی جس پرایم ڈی واسا نے تمام ڈپٹی ڈائریکٹرز سیوریج کو اپنی اپنی حدود میں سیوریج لائنوں کی صفائی مہم میں مزید تیزی لانے اور لائنوں کی صفائی پر مامور سٹاف کیلئے تمام ضروری حفاظتی اقدامات کرنے کی ہدایت کی ہے ۔دریں اثناء سیوریج سب ڈویژنوں کی سطح پر ٹوٹ پھوٹ کے شکار مین ہولز کی مرمت کا سلسلہ بھی جاری ہے ۔
