دوران واردات ڈاکوئوں کی فائرنگ، ایک پکڑا گیا
ملتان(کرائم رپورٹر)سٹی جلالپور کے علاقے میں دوران واردات ڈاکوئوں کی فائرنگ سے بچھڑا زخمی 1ڈاکو شہریوں کے ہتھے چڑھ گیاجسے پولیس کے حوالے کردیا گیا ۔
موضع ابو سعید سے واحد بخش نے پولیس کو اطلاع دی کہ میری بیٹی گھر میں اکیلی موجود تھی کہ تین ڈاکو گھر داخل ہوئے اسلحہ کے زور پر دو تولہ زیور وغیرہ لوٹ لیا شور شرابہ پر ڈاکوئوں نے فائرنگ شروع کردی ملزموں کی فائرنگ سے بیٹی محفوظ رہی میرا بچھڑا زخمی ہوگیا اور ڈاکواسلحہ لہراتے ہوئے فرار ہونے لگے تو شہریوں کی بڑی تعداد نے گھیرے میں لیکر ایک ڈاکو کو دبوچ لیا اطلاع پر پولیس جائے وقوعہ پر پہنچی تو عوام کے ہاتھوں پکڑے جانے والے ڈاکو جس کی شناخت عامر الیاس کے نام سے ہوئی کو تحویل میں لیکر تھانہ منتقل کردیا اور فرار ساتھیوں کی گرفتاری کیلئے کارروائی شروع کردی ۔
روزنامہ دنیا ایپ انسٹال کریں
