جناح ہال کمپنی باغ میں یوم سیاہ پر سیمینار کا انعقاد
بھارت کا مقابلہ کرنے والی مائوں، بہنوں، بیٹیوں کو سلام: فرح مسعودکشمیریوں سے دیرینہ رشتہ :ڈی سی،کشمیر پاکستان کی شہ رگ ،ڈی پی او
سرگودھا(سٹاف رپورٹر ) کمشنر ڈاکٹر فرح مسعود نے کہا ہے کہ 27اکتوبر کا دن بھارت کی بربریت کی تاریخ رکھتا ہے ۔ 1947کی اس رات بھارت نے اپنی فوجوں کو کشمیر پر مسلط کیا تھا ۔ سلام ہے کشمیرکی ان ماؤں ’ بہنوں ’ بیٹیوں او رمردوں پر جو بھارتی مظالم کا ڈٹ کر مقابلہ کر رہے ہیں ۔ وہ جناح ہال کمپنی باغ میں یوم سیاہ کے موقع پر سیمینار سے خطاب کررہی تھیں ۔ کمشنر نے کہاکہ ہر پاکستانی کشمیریوں کیلئے سفیر ہے ۔ وزیر اعظم عمران خان نے اقوام عالم کے سامنے کشمیر کا مسئلہ انتہائی بہتر انداز میں پیش کیا ہے ۔ ڈپٹی کمشنر محمد اصغر جوئیہ نے کہاکہ مقبوضہ کشمیر پر بھارتی غاصبانہ قبضہ عالمی قوانین اور انسانی حقوق کی خلاف ورزی ہے ۔ کشمیریوں سے ہمارا دیرینہ رشتہ ہے او رآج کے دن ہم اس کا اعادہ کرتے ہیں ۔ ڈی پی او ذوالفقار احمد نے کہاکہ کشمیر پاکستان کی شہ رگ ہے ۔ کشمیر کے مسئلہ پر ہم میں کوئی اختلاف نہیں ۔ پوری قوم کشمیریوں کے ساتھ کھڑی ہے ،سکولوں کے طلبہ نے خاکوں او رنغموں کے ذریعے مقبوضہ کشمیر کے شہداء کو خراج عقیدت پیش کیا ۔
