شاہ پور میں چوری کی وارداتیں‘شہری لاکھوں سے محروم
![شاہ پور میں چوری کی وارداتیں‘شہری لاکھوں سے محروم](https://dunya.com.pk/newweb/images/placeholders_gen_image.jpg)
شاہ پور (نمائندہ دنیا)شاہ پور میں چوری کی نان سٹاپ وارداتوں میں شہریوں لاکھوں روپے مالیت کے سامان سے محروم ہو گئے ، دریائے جہلم پل پر سیرکیلئے جانے والا افضال احمد موٹرسائیکل سے ہاتھ دھو بیٹھا۔۔۔
دیگر وارداتوں میں ناصر محمود کی دکان کی چھت پھاڑ کر19ہزار روپے ‘ بابر خان کا موٹر سائیکل ، ندیم شہزاد کے ڈیرہ سے انورٹر، تین گٹو ڈی اے پی اور دو نجیریں مالیتی ایک لاکھ دس ہزار روپے ، شہزادہ کاشف کی دکان سے جنریٹر مالیتی 50ہزار، محمد ممتاز کے گھر سے ایک لاکھ 80ہزار نقدی، طلائی زیورات تین تولے مالیتی دو لاکھ اکیس ہزار روپے ، سولہ عدد سوٹ زنانہ و مردانہ ، ایل سی ڈی مالیتی 72 ہزار روپے نامعلوم چور لے اڑے ، محمد نواز کے زرعی رقبہ سے 7ہارس پاور کی موٹر مالیتی ایک لاکھ پچاس ہزار روپے چوری کرلئے۔ ناصر محمود کے گھر سے دس ہزار نقد ، چار کمبل ، پانچ من گندم ، جوسر مشین کل مالیت 46ہزار روپے نامعلوم چور چوری کر کے لے گئے پولیس نے الگ الگ مقدمات درج کر کے تفتیش شروع کر دی ہے ۔